Flenters vir lint

Die reaksie wat sy sensuele vingers op haar voete het dreig om te grens
aan onbetaamlikheid maar Katinka gee nie om nie. Sy is lighoofdig. Sy
verdien om ‘n bietjie lighoofdig te wees. En sy wil nie hoor wat
Christiaan wil sê nie. Sy kan nie nog ontnugtering hanteer nie, daarom
reageer sy  vir die eerste keer in ‘n baie lang tyd op instink.Sy
maak haar oë lui oop, soek sy blik wat goudbruin in die lamplig skitter
en lek haar lippe verleidelik af. Iewers in haar kop skreeu die koelkop
Katinka dat sy moet ophou, dat sy besig is met ‘n speletjie waarvan sy
die rëels nie verstaan nie maar sy maak vir Koelkop Katinka stil met ‘n
laaste teug soet wyn…